Vit halda til á Varðagøtu 85 í Tórshavn.

Vit hava telefonviðtalu mánadag til fríggjadag frá klokkan 8.00 til 16.00. Tá ber eisini til at ringja og avtala tíð til at koma á klinikkina.

Hava tygum bráðneyðug ørindi, ber altíð til at fáa fatur á okkum.
Uttan fyri vanliga viðtalutíð vísir okkara tlf 315273 til vakthavandi djóralækna.

Okkara arbeiðsøkið er breitt. Vit taka okkum av millum øðrum hundum, kettum, neytum, rossum, seyði, flogfenaði, smærri fragddýrum, so sum kaninum, marsvínum, hamstarum o.ø.m.
Viðgerðirnar eru alt úr smærri rutinuviðgerðum í størri skurðviðgerðir.

Hølir og starvsfólk.
Umstøðurnar á Varðagøtu 85 eru góðar við rúmligum og vælútgjørdum hølum. Djóralæknatænastan er mannað við trimum djóralæknum. Sí starvsfólk.
Í ovaru hæddini hava vit inrættað okkum við einum bíðirúmi, einari skrivstovu, stórari kanningar- og skurðstovu, goymslurúmi til heilivág og aðra neyðuga vøru og einum goymslurúmi til hunda- og kettufóður. Í kjallaranum hava vit eitt goymslurúm, eitt kanningar- og skurðrúm til grovari arbeiði, millum annað seyð, eitt kanningarrúm, eitt røntgenrúm.

 

Av tekniskari veterinerari útgerð hava vit millum annað:
Insightblóðkanningarapparat.	MyLab ultraljóðskannara	Komesaroff doyvingartól við isofluran doyvingarevni og súrevni.
Monitor til at kanna EKG, blóðtrýst, puls, hjartalag, súrevni og koltvísúrni í blóði, likamshita og andadrátt m.a. undir skurðviðgerð	Ultraljóðtannreinsing. Tannsteinurin verður brotin av við ultraljóði	Memmert hitaskáp til at ala bakteriur til mikrobiologiskar kanningar og til sterilisering av veterinerum skurðviðgerðartólum.	Mikroskop til nærri kanningar av bakterium, sníkum og øðrum.
Mikrotranspondaraavlesara til at lesa mikrochipmerki.	Røntgentól Poskom	Røntgendigitalisering