 |
 |
|
|
| Kettuloppur og hundaloppur hava ikki verið vanligar
í Føroyum fyrr, men tað tykist nú sum at kettuloppur
hava fingið fótin fyri seg her hjá okkum. Har kettuloppur
eru vanligar, roynast tær sum ein stór plága hjá
bæði dýrum og fólki. Loppurnar stinga og súgva
blóð av kettum, hundum, øðrum dýrum og fólki.
Tær trívast og nørast tó bert á hundi
og kettu. Ein annar trupulleiki sum kemur í kjalarvørrinum
á loppunum, er at kettur og hundar kunnu verða smittaði
við bendilormi, sum loppurnar bera við sær. Loppurnar eru
eyðkendar. Stødd: umleið 1-3 mm. Tær eru døkkar,
flatar frá síðu til síðu, so tær lættliga
kunnu smúgva sær í ullini. Tá loppurnar eru
á hundinum ella kettuni, renna tær skjótt, og kunnu
vera ringar at fáa eygað á. Tá tær koma
at liggja á hørðum undirlagi, fáa tær tó
ikki runnið, tí tær koma at liggja á liðini.
Sum vælkent er, so fáa tær tó hoppað. Verður
hundaeigari ella kettueigari varur við kettu- ella hundaloppu á
kettu ella hundi sínum, ger hann sær og øðrum dýraeigarum
við eina stóra tænastu við at viðgera skjótt
og væl og virðiliga.
Staraloppur eru eisini vanligar í Føroyum um várið og tíðliga um summarið. Hesar loppurnar kunnu eisini súgva blóð av øðrum dýrum og fólki, men nørast tó bert á fugli. |